प्रविशा र सन्जिबको झिलीमिली तिहार 'साँझको बेला २' मा आशिष र नवराज - दर्पण संसार

प्रविशा र सन्जिबको झिलीमिली तिहार 'साँझको बेला २' मा आशिष र नवराज

काठमाडौं । दशैँमा सुन प्रिय बोलको गीतको भिडियो सार्वजनिक गरेर चर्चा कमाएका गायक गायक सन्जिब पुडासैनीले तिहारको अवसरमा झिलीमिली तिहार साँझको बेला २ को भिडियो सार्वजनिक गरेका छन् । जसमा सन्जिबका अलावा शैलेन्द्र मान प्रधान (बाबु) र गायिका प्रविशा अधिकारीको स्वर रहेको छ ।

नेपालीहरुको अर्को ठूलो महान पर्व तिहारको महत्व दर्शाउने सार्वजनिक गीतको भिडियोमा बरिष्ठ अभिनेता सन्तोष पन्त, आशिष पाण्डे, बञ्जु चौलागाई, नवराज बस्नेत, अस्मिता पन्त, प्रनिमा दाहाल, सम्झना रिमाल, पूर्णमा लामा थोकरको अभिनय रहेको छ ।

निशान ब्याण्डको शब्द शृजना र संगीत रहेको गीतमा सोवित मगर र प्रिन्स राईको कोरियोग्राफी रहेको छ । फराज अर्पणको छायांकन, सम्पादन र निर्देशन रहेको गीतको सह निर्देशन विशाल थापाले गरेका हुन् । भिडियो गायक पुडासैनीकै अफिसियल च्यानलबाट बजारमा ल्याइएको हो । हेर्नुहोस् भिडियो

"

प्रतिक्रिया दिनुहोस्