नेपाललाई कोरोनाको खोप उपलब्ध गराउन आग्रह गर्दै बेलायतमा र्‍याली - दर्पण संसार

नेपाललाई कोरोनाको खोप उपलब्ध गराउन आग्रह गर्दै बेलायतमा र्‍याली

लन्डन– गोर्खा सैनिक संगठनले नेपाललाई कोभिड-१९ विरुद्धको खोप उपलब्ध गराउन आग्रह गर्दै मंगलबार बेलायती प्रधानमन्त्री निवास अगाडि र्‍याली निकालेका छन् ।

उनहरुले नेपाललाई तत्काल सहायता प्रदान गर्न आग्रह गर्दै हात हातमा प्लेकार्डसहित र्‍याली निकालेका हुन् । उनीहरुले बेलायती प्रधानमन्त्री कार्यालय रहेको डाउनिङ स्ट्रिट अघि पनि प्रदर्शन गरेका हुन् ।

उनीहरुले खोप आपूर्ति गर्न तथा अक्सिजन कन्सनट्रेटर, जेनेरेटर र अत्यावश्यकीय औषधि उपलब्ध गराउन आग्रह गरेका थिए ।

उनीहरुले गोर्खा सैनिकले कठिन समयमा बेलायतलाई साथ दिएको प्रसंग कोट्याउँदै यो विषम परिस्थितिमा नेपाललाई तत्काल सहायता प्रदान गर्नुपर्ने बताएका थिए ।

प्रतिक्रिया दिनुहोस्