पशुपतिनाथमा एक अर्ब रुपैयाँको सुनको जलहरी राख्ने निर्णयविरुद्ध रिट दायर - दर्पण संसार

पशुपतिनाथमा एक अर्ब रुपैयाँको सुनको जलहरी राख्ने निर्णयविरुद्ध रिट दायर

काठमाडौं । पशुपतिनाथ मन्दिर भित्रको शिवलिंगमा सुनको जलहरी राख्ने निर्णय कार्यान्वयन नर्गन माग गर्दै सर्वोच्च अदालतमा सोमबार रिट दायर भएको छ ।

स्थानीय बासिन्दा एवं बाग्मती प्रदेशका सांसद नरोत्तम वैद्य र अधिवक्ता निकिता ढुंगानाले आइतबार रिट निवेदन दर्ता गराएका हुन् ।

पुरातात्विक सम्पदा सम्बन्धि ऐन, विश्व सम्पदाको मापदण्ड र शैव दर्शनको मान्यता विपरित सुनको जलहरी राख्न लागिएको भन्दै उक्त निर्णय बदर गराउन माग गरिएको रीटमा प्रधानमन्त्री, मन्त्रीपरिषदको कार्यालय, संस्कृति मन्त्रालय र पशुपति क्षेत्र विकास कोषलाई विपक्षी बनाईएको छ ।

रिट निवेदनमाथि छलफलका लागि पर्सी बुधवार पेशी तोकिएको छ । पशुपति क्षेत्र विकास कोषको पहलमा पशुपतिनाथभित्रको ज्योर्तिलिङ्गमा एक अर्ब रुपैयाँ भन्दा बढी लगानीमा १ सय ८ किलोको सुनको जलहरी राख्न लागिएको हो ।

प्रतिक्रिया दिनुहोस्