नेता घनश्याम भुसाल नेकपा(एकीकृत समाजवादी)मा प्रवेश गरेका छन् । शुक्रबार एक समारोहबीच अध्यक्ष माधवकुमार नेपालले भुसाललाई स्वागत गरे । समारोहमा बोल्दै भुसालले ओलीवाद हावी भएका कारण मुलुकको कम्युनिष्ट आन्दोलन अप्ठ्यारोमा पर्दै गएको दावी गरे ।
प्रधानमन्त्री पुष्पकमल दाहाल ‘प्रचण्ड’ र त्तारुढ दल नेकपा एमालेका अध्यक्ष केपी शर्मा ओलीबीच विहीबार प्रधानमन्त्रीको सरकारी निवास बालुवाटार भेट भयो । प्रधानमन्त्री र अध्यक्ष ओलीबीच मन्त्रिपरिषददाई पूर्णता दिने विषयमा छलफल भयो । तर कहिलेसम्म पूर्णता दिने भन्नेबारे निर्णय भएन । मन्त्रीहरुको भागवण्डा कसरी गर्ने भन्ने विषयमा पनि कुनै निष्कर्ष निस्केन ।
प्रतिनिधि सभा र प्रदेश सभा निर्वाचन सम्पन्न भएको दुई महिना पुग्नैलाग्दा सातवटै प्रदेशले मुख्यमन्त्री पाएको छ । मुख्यमन्त्री नियुक्त भएपनि मन्त्रीमण्डल गठन हुन सकेको छैन । बुधबार मात्र चारवटा प्रदेशमा मुख्यमन्त्री नियुक्त भएका छन्।
स्वतन्त्र सांसद अमरेश कुमार सिंहले प्रधानमन्त्रीको सरकारी निवास बालुवाटारमा सीसीटीभी क्यामेरा राख्नुपर्ने धारणा राखेका छन् । मंगलबार संसदमा सम्बोधन गर्दै उनले देशमा सुशासन कायम गर्न आजैबाट काम सुरु गर्नुपर्ने बताए।
