माधव कुमार नेपाल नेतृत्वको ‘नेपाल कम्युनिष्ट पार्टी(एकीकृत समाजवादी) निर्वाचन आयोगबाट बैधता पाएको छ । नेकपा एमालेबाट अलग भएका नेताहरुले गठन गरेको समाजवादीलाई आयोगले बुधबार अपरान्ह दर्ता प्रमाणपत्र दिएको छ ।

माधवकुमार नेपाल नेतृत्वको प्रस्तावित दल नेपाल कम्युनिष्ट पार्टी (एकीकृत समाजवादी) र महन्थ ठाकुर नेतृत्वको लोकतान्त्रिक समाजवादी पार्टीको दल दर्ताको सनाखत सकिएको छ ।

केपी ओलीसँग दशकौं सँगै राजनीति गरेर नेकपा एमाले जन्माउन हिस्सेदार भूमिका निर्वाह गरेका माधव कुमार नेपाल नयाँ दल दर्ताको प्रक्रियामा अघि बढेका बेला ओली पत्रकार सम्मेलन गरेर नेपालमाथि तिखो प्रहार गरेका छन् । अध्यक्ष ओलीले नेपाललाई पार्टी फुटाउन सहज बनाउनका लागि सरकारले कानुन बनाउने काम गरेको भन्दै आक्रोश पनि व्यक्त गरे ।

नेपाली काँग्रेसले १४औँ महाधिवेशनका लागि क्रियाशील सदस्यता विवाद टुङ्गिएको जनाएको छ । क्रियाशील सदस्यतालाई अन्तिम रुप दिएसँगै यही भदौ १८ गते तोकिएको काँग्रेसको गाउँ÷नगर वडा अधिवेशन हुन सक्ने संभावना बढेको छ ।