कोरोना भाइरस संक्रमण भई होम आइसोलेसनमा रहेका पूर्वराजा ज्ञानेन्द्र शाह र पत्नी कोमल शाह स्वास्थ्यमा समस्या देखिएपछि नर्भिक अस्पताल भर्ना भएका छन् ।

राष्ट्रिय सभातर्फ रिक्त एक सदस्य पदमा जेठ ६ गते उपनिर्वाचन हुने भएको छ । राष्ट्रिय सभा सदस्य पदमा निर्वाचित रामबहादुर थापाको रिक्त पदमा पूर्तिको लागि राष्ट्रियसभा निर्वाचन ऐन २०७५ को दफा ५ बमोजिम निर्वाचन हुने भएको हो ।

सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेशन गर्न नपाउने फैसला गरेको छ । यसअघि अख्तियारले घुस लिने व्यक्ति पक्रन यस्तो अपरेशन गर्दै आएको थियो ।

सरकारले कोभिड–१९ संक्रमणको अत्याधिक जोखिम भएका स्थानका शैक्षिक संस्थाहरुको भौतिक पठनपाठन बैशाख मसान्तसम्म बन्द गर्ने निर्णय गरेको छ ।