भारतका चर्चित गायक तथा संगीतकार बप्पी लहरीको ७० वर्षको उमेरमा निधन भएको छ । मंगलबार राति अचानक स्वास्थ्यमा समस्या देखिएपछि मुम्बइको एक अस्पताल लगिएका उनको बुधबार बिहान निधन भएको हो ।
मध्य अमेरिकी राष्ट« होण्डुरसमा शियोमारा कास्त्रो देशको पहिलो महिला राष्ट्रपति बनेकी छन् । लिब्रे पार्टीकी ६२ वर्षीया कास्त्राले होण्डुरसमा समस्याका रुपमा रहेका लागुऔषध तस्करी गर्ने शक्तिशाली समूहसँग लड्ने तथा गर्भपतन सम्बन्धी कानुनलाई खुकुलो बनाउने प्रतिबद्धता जनाएकी छन् ।
विश्वको जनसंख्या ७ करोड ४० लाखले बढेको एक तथ्यांकले देखाएको छ । अमेरिकी तथ्यांक व्यूरोका अनुसार योसँगै विश्वको जनसंख्या ७ अर्ब ८० करोड पुगेको छ ।
अष्ट्रेलियाले अन्तर्राष्ट्रिय सीमा खुला गर्ने भएको छ । ओमिक्रोनको बारेमा अध्ययन गर्न भन्दै सीमा खोल्ने नीतिलाई दुई साता पछाडि सारेको अष्ट्रेलिया सरकारले सीमा नीतिमा कुनै परिवर्तन नहुने बताउँदै सीमा नाका खुला गर्ने जानकारी गराएको हो ।
