Advertisement

केन्टका गतिविधि मिडियामा कम आएको गुनासो

2 मिनेट अगाडी

लण्डन । नेपाली समुदायको उल्लेख्य बसोबास र बाक्लै गतिविधि हुने गरे पनि स्थानीय नेपाली मिडियामा आफूहरुका गतिविधि कम समेटिएको गुनासो केन्टबासी नेपालीले गरेका छन् । नेपाल पत्रकार महासंघ युकेले आइतबार आसफोर्डको स्टानहोप पेरिस हलमा आयोजना गरेको अन्तरक्रिया कार्यक्रममा उनीहरुले सो गुनासो गरेका हुन् ।

मेडस्टोन बोरोका काउन्सिलर दिनेश खड्काले लण्डन ओलम्पिकका बेला नेपालबाट आएका छ जना खेलाडीलाई केन्ट काउण्टीले आवासको प्रबन्ध गर्दा अंग्रेजी मिडियामा समाचार आए पनि नेपाली मूलका स्थानीय मिडियामा भने समाचार नआएको सन्दर्भ कोट्याए । उनले बेलायतमा कार्यरत पत्रकारहरुलाई समाजलाई सकारात्मक सन्देश दिन्छ भने नकारात्मक घटनाका समाचारहरु प्रकाशनमा ल्याउन नडराउन पनि आग्रह गरे । समाचारमा नयाँपन ल्याउन र सस्तो लोकप्रियता कमाउने मिडियालाई सार्वजनिक गर्न पनि उनले पत्रकारहरुलाई सुझाव दिए ।

फोल्कस्टोन नेपाली समाजका अध्यक्ष चन्द्रबहादुर गुरुङले आफूहरुले अलि ओझेलमा परेको महसुस गरेको बताए । हरेक पत्रपत्रिका, मिडिया लण्डन र अल्डरसटकै समाचारले भरिने गरेको पाउने गरेकोमा यस्ता अन्तरक्रियाले सबै पक्षलाई समेट्न सघाउने विश्वास व्यक्त गरे ।

आसफोर्डस्थित सगरमाथा गोरखा नेपाली कम्युनिटीका अध्यक्ष चक्रबहादुर राईले बेलायतमा पत्रकारको अवस्था कस्तो छ, उनीहरुले के कस्तो सुविधा पाउँछन् भन्ने जिज्ञासा राख्दै मिडिया र पत्रकारहरुसित अन्तरक्रिया गर्न र सघाउन आफ्नो कम्युनिटी सदैव तयार रहेको बताए ।

तमुधिँ युकेका पूर्व अध्यक्ष ज्ञाम गुरुङले नेपालमा पनि रोल्पा, डोल्पाका समाचार कम आउने प्रसंग उल्लेख गर्दै समाचारको मूल्य हुने कार्यक्रम बनाउन समुदायका अगुवाहरुलाई सुझाव दिए । यहाँ सञ्चालित मिडिया र कार्यरत पत्रकारहरुलाई ब्यावसायिक बनाउन कम्युनिटीले विज्ञापन दिएर सघाउनुपर्ने उनको मत थियो ।

मगर संघ केन्टका अध्यक्ष क्याप्टेन रिटायर्ड रामबहादुर पुनले विगतमा आफ्नै संयोजकत्वमा गरिएको उच्चस्तरको कार्यक्रममा नेपाली मिडियालाई निम्तो गर्दा जवाफ समेत नपाएको गुनासो गरे । उनले सबै ठाउँका गतिविधि मिडियामा समेटिएका छन् कि छैनन् भन्ने बुझ्न बेलाबेलामा प्रतिनिधि पठाएर अडिट गर्नपर्ने सुझाव दिए । धेरै समुदायलाई अझै पनि मिडियामा कसरी जाने भन्ने जानकारी नभएको बताउँदै उनले पत्रकारहरुलाई समाजमैत्री हुन पनि सुझाव दिए ।

नेपाल जनजाति महासंघ युकेका पूर्व अध्यक्ष सिरीप्रसाद लिम्बुले पत्रकारहरुलाई पक्षपातरहित भएर आवाजविहीनहरुका पक्षमा काम गर्न सुझाव दिए । सबै ठाउँका समुदायका गतिविधि समेट्न मिडियाले ठाउँ ठाउँमा स्थानीय प्रतिनिधि राख्नुपर्ने पनि लिम्बुको भनाइ थियो ।

किरात याख्या छुम्मा युकेका पूर्व अध्यक्ष धन रोगुले पत्रकारहरु पनि आफू निकटका संस्थाप्रति बढी लचक हुने गरेको देखिएको उल्लेख गर्दै साना–ठूला, नजिक–टाढा सबै संस्थाहरुलाई समान व्यवहार गर्न सल्लाह दिए ।

संखुवासभा समाज युकेका सल्लाहकार नरबहादुर बलम्पाकीले पत्रकारहरुलाई समाजको आँखा भएर कर्तव्य निर्वाह गर्न सुझाव दिए । पत्रकारले राजनीति, जाति, ठाउँ विशेषबाट माथि उठी निस्पक्ष भई काम गर्नुपर्ने पनि उनको भनाइ थियो ।

गुरुङ सोसाइटी केन्टकी अध्यक्ष राजदेवी गुरुङले अन्तरक्रियाबाट धेरै कुरा सिक्न पाएको बताउँदै पत्रकारहरुसित हातेमालो गर्न र एकअर्कामा सरसहयोग गर्न आफू तयार रहेको बताइन् ।

मगर संघ केन्टका पूर्व अध्यक्ष उत्तरबहादुर मगरले सामाजिक सञ्जालका कारण मिडियाहरु ओझेलमा परेको आफूलाई लागेको बताए ।

पत्रकार छत्र वनेमले नेपाल पत्रकार महासंघले बेलाबेलामा आफ्ना कार्यक्रमहरु लण्डनबाहिर ल्याउन पर्ने सुझाव दिए । नेपालमा अहिले भइरहेका घटनाहरु र परिवर्तित नियम कानुनका बारेमा पनि पत्रकारहरुले युकेका नेपाली समुदायलाई सूचित गर्नुपर्ने उनले बताए ।

गुरुङ सोसाइटी केन्टका महासचिव गोलमान गुरुङले समाजलाई अगाडि बढाउन मिडियाको भूमिका महत्वपूर्ण हुने बताए । केन्टमा गोरखाहरुको बाक्लो बसोबास हुँदाहुँदै पनि केन्टका नेपालीहरु धेरै क्षेत्रका अघि हुँदाहुँदै पनि मिडियामा कभरेज कम भएको गुनासो उनले थपे ।

कलाकार थीर थापाले बिना अनुसन्धान समाचार लेख्दा कतिपयको अस्तित्व नै संकटमा परेको र कति समाचारले कतिपयको जीवनमा उत्साह नै उत्साह ल्याएको बताए । राष्ट्रिय-अन्तर्राष्ट्रिय चासोका विषयमा पत्रकारहरुले सत्य बाहिर ल्याउनुपर्ने सुझाव दिँदै उनले गलतरुपमा आएका समाचारका कारण मानिसहरुले गलत निर्णय लिइरहेको दृष्टान्त पेश गरे ।

तेह्रथुम समाज युकेका अध्यक्ष डम्बर सिंगकले सामाजिक अभियन्ताभन्दा राजनीतिक अभियन्तालाई मिडियाले धेरै प्रवर्धन गर्ने गरेको बताए । पत्रकारहरुलाई तथ्यपरक हुन सल्लाह दिँदै उनले आफूहरुले पत्रकारहरुलाई के सहयोग गर्नपर्ने हो गर्न तयार रहेको वचनवद्धता प्रकट गरे ।

मगर संघ युकेकी वरिष्ठ उपाध्यक्ष सीता पुनले पत्रकारहरुलाई चुनाव, राजनीति मात्र होइन स्वास्थ्यका बारेमा पनि कलम चलाउन अनुरोध गरिन् । आफ्नै उदाहरण दिँदै उनले एक व्यक्तिको अनुभवबाट धेरैको जीवन बचाउन पत्रकारहरुले मद्दत गर्न सक्ने बताइन् ।

लिम्बुवानका अभियन्ता लाहाङ चेम्जोङले सबै मिडियाको समाचार हेर्दा एउटै देखिने प्रसंग जोड्दै मिडियाहरुलाई समुदायसित आवश्यक जानकारी लिएर आफ्नै शैलीमा समाचार पस्कन सुझाव दिए । सगरमाथा गोरखा नेपाली समाजका वरिष्ठ उपाध्यक्ष कप्रसाद छन्त्यालले समाजको स्वप्न योजना नेपाली घर बनाउनमा यस्ता कार्यक्रमले सहयोग पुरयाउन सक्ने आशा प्रकट गरे ।

फोल्कस्टोन नेपाली समाजका महासचिव डा. महा राईले आफूहरु स्थानीय नेपालीहरुको सानो समुदाय भएकाले स्थानीय सञ्चारमाध्यमसित मात्र सम्पर्कमा रहेको बताए । बीएफबीएस गोरखा रेडियोकी रुपा रानाले समुदायलाई रेडियोमार्फत आफ्ना गतिविधि शेयर गर्न चाहना भए सहजरुपमा सम्पर्क गर्न अनुरोध गरिन् ।

कान्तिपुर दैनिकका युके समाचारदाता तथा नेपाल पत्रकार महासंघ युकेका संस्थापक अध्यक्ष नविन पोखरेलले युकेका इस्युलाई कान्तिपुरमा कभरेज गर्न सक्दो प्रयास गरिरहेको बताउँदै सूचनाहरु बाँड्न समुदायका अगुवाहरुलाई आव्हान गरे ।

शाखाका अध्यक्ष नरेश खपाङ्गीमगरको अध्यक्षतामा भएको सो कार्यक्रमको सञ्चालन महासचिव सञ्जयभक्त कँडेलले गरेका थिए । अन्तरक्रियाको सहजीकरण शाखाका सदस्य रमेश सराङकोटीले गरेका थिए भने वरिष्ठ उपाध्यक्ष श्याम लुइँटेलले कार्यक्रम सफल पार्न सहयोग गर्ने सबैलाई धन्यवाद दिए ।


Share this with your friends:


Advertisement
Advertisement

सेक्स टोयले पनि दिन्छ आनन्द, मूल्य कति पर्ला ?

काठमाडौं । कृत्रिम यौनाङ्ग(सेक्स टोय)हरुमा पुरुष र महिला दुवैका पर्छन् । विशेषगरि महिलाको लागि पुरुषको पेनिस र...

गायक विक्रम परियारका ६ जना हत्यारा सार्वजनिक, यस्तो छ हत्याको रहस्य

काठमाडौं । तनहुँको व्यास नगरपालिका–१ भादगाउँ घर भई हाल काठमाडौं बस्दै आएका ४२ वर्षीय विक्रम परियारको गत आइतबार...

हराएको मोवाइल यसरी पत्ता लाग्न सक्छ

काठमाडौं । मोबाइल हराएमा वा चोरी भएमा खोजी गर्नका लागि आइएमइआई नम्बर भएमा सजिलो हुन्छ । प्रत्येक मोबाइल सेटको...

ब्राजिलमा एक लिटर पानीबाट ५ सय किमी गुड्ने बाइक निर्माण(भिडियो)

एजेन्सी । मान्छेले इन्धनबाट मात्र चल्ने सवारीसाधनको प्रयोग गरिरहेका बेला ब्राजिलका एक ब्यक्तिले एक लिटर पानीले...

पुरुषको ‘वीर्य’ खाँदा महिलालाई कस्तो असर गर्छ ?

काठमाडौं । तपाईंलाई थाहा छ ? कतिपय व्यक्तिले पुरुषको वीर्य खाने गर्छन् । विशेष गरी यौन क्रियाकलापका संलग्न...

महिलालाई मनपर्ने यौन आसन

सेक्स संसारको सर्वोत्कृष्ट आनन्ददायक चीज हो, जसका कारण सेक्स सधैं चर्चाको शिखरमा रहन्छ । सेक्सलाई अझ आनन्दायक...

३ सय १७ केजी तौल भएकी यि मोडल भन्छिन् छिट्टै ४ सय ५० केजी तौल बनाउँछु

एजेन्सी ।  अमेरिकाकी २७ बर्षे मोनिकाको जीवनकै एउटै उदेश्य छ जसरी पनि ४ सय ५० केजी तौल पुग्ने । हाल ३ सय १७ केजीकी...

स्याङ्जामा खुल्यो अत्याधुनिक बायोग्याँस पावर प्लान्ट

प्रकाश डोटेल /स्याङ्जा । नेपालमै पहिलो पटक स्याङ्जामा अत्याधुनिक बायोग्याँस पावर प्लान्ट संचालनमा आएको छ ।...

चुनावका लागि ७५ हजार म्यादी प्रहरीको माग, यस्तो छ सेवा, सुविधा र सर्त ? (बिज्ञापनसहित)

काठमाडौं, चैत्र १०ः प्रहरी प्रधान कार्यालय नक्सालले स्थानीय तहको निर्वाचनलाई लक्षित गर्दै देशका बिभिन्न ठाउँमा...

निर्बाचनमा म्यादी प्रहरी बन्ने हो ? यस्तो छ सरकारी तयारी

काठमाडौं । विगतमा आलोचना भएको भएता पनि, पर्याप्त समय अभावका कारण स्थानीय चुनावमा खटाईने भनिएका म्यादी प्रहरीको...

Advertisement
Advertisement